Një 46-vjeçar shqiptar është ekzekutuar me armë zjarri në Kanada. Ngjarja ka ndodhur në zonën East York, në Toronto të Kanadasë, ku Ardian Kaloshi është qëlluar rreth orës 10:00 të ditës së mërkurë.
Menjëherë me mbërritjen e policisë në vendngjarje është gjetur 46 vjeçari shqiptar me disa plumba në trup dhe në kokë. Pavarësisht transportimit të tij me urgjencë në spital, ai nuk ka mundur tu mbijetojë plagëve të marra.
Për policinë kanadeze, Kaloshi ishte një emër i njohur pasi kishte një të kaluar kriminale. 46-vjeçari Ardian Kaloshi u vra në një zonë, mjaft të populluar dhe që përdorej për argëtim. Dyshohet se ai shkonte shpesh në këtë zonë dhe vrasësit mund të kenë mësuar itinerarin e tij.
