Kryeministri Edi Rama është shumë aktiv në rrjetin social “Facebook” sa shumë veta mendojnë se ai nuk punon fare. Kreu i qeverisë e ka bërë rrugë tashmëdhe nuk lë vend pa replikuar me çdo koment kritik.
Këtë ka bërë edhe sot, ku në një postim të tij ppër Check Up-in falas, është përballur me komentet negative të qytetarëve.
“Mos dëgjoni zhurmën e kazanit kundër Check Up-it FALAS, po bëjeni atë rregullisht sepse ju tregon atë që duhet të dini për trupin tuaj dhe kur jeni në rrezik JU SHPËTON JETËN!” shkruan Rama në statusin e tij.
Por për qytetarët kjo nuk është aspak e vërtetë, por kemi të bëjmë me një aferë të pastër korruptive.
Qytetari: Epo ti lutesh edhe për të bërë kontrolle… Po leri ore rehat në hallin e tyre. Kush të dojë aty i ka. Juve bravo për këtë mundësi.
Rama: Informacioni i duhur për këtë mundësi është detyrë për mua Oliver dhe s’e kam hiç problem, edhe pse kjo që thua s’është aspak kështu, që sidoqoftë t’u lutem njerëzve e të mos i lë rehat, ndërkohë që mund të jenë në rrezik për jetën e nuk e dinë!
Qytetari: Mos të dëgjojmë zhurmën e kazanit, por paratë e Beqajt…deri ku do shkoni me talljen e kësaj shoqërie o z.km…e depresionuat duke e çuar te krimi makabër, që është vrasja…
Rama: Serxho, nëse ty të duket tallje që 12 mijë njerëz kanë parandaluar rrezikun e jetës falë Check Up-it dhe në qoftë se ty të duket depresionim që kjo qeveri po bën për vendin e për njerëzit, çka nuk është bërë në 25 vjet bashkë në përpjekjen për të bërë shtet e për të lehtësuar rrugën e individëve që duan të jetojnë me punë, e jo me iphone të lidhur me facebook-un në kafene, atëherë mua nuk më mbetet vetëm të të sugjeroj shumë miqësisht, të çohesh nga tavolina e të shkosh në bibliotekë ose, fundja, të marrësh ndonjë libër me vetë në kafenë! Sepse padija nuk është argument dhe komentet krejt pa lidhje si këto komentet e tua, janë vrasje makabër e kohës së çmuar për t’u bërë njeri i aftë e qytetar i mirë!
