I riu nga Peja, Alban Gjura, prej të mërkurës, nis betejën ligjore me autoritetet kosovare. Prokuroria Speciale po e akuzon për lidhje me grupet terroriste dhe. Gjura, më 25 shkurt 2016 ishte ndalur nga autoritetet turke duke tentuar të shkonte në Siri, përmes njërit nga aeroportet e Turqisë. Pejani, Policisë kufitare ua kishte prezantuar një identitet të rremë dhe pasaportë ruse.
Alban Gjura u ekstradua nga Turqia në shtator të këtij viti, ndërsa sot Prokuroria Speciale ka njoftuar se ka ngritur aktakuzë ndaj tij, mbi dyshimet për vepra penale që lidhen me terrorizmin dhe pjesëmarrjen në luftërat e huaja.
Ai ishte arrestuar në shkurt në Turqi, derisa po provonte që përmes këtij shteti të depërtonte në Siri për tu bashkuar me shqiptarët tjerë në ISIS.
Gjura në aeroportin turk kishte prezantuar një pasaportë të Rusisë dhe identitet të rrem, shkruan Gazeta Express.
“Më datë 25 shkurt 2016, me rastin e kalimit ilegal të kufirit dhe hyrjes në Turqi nga Siria është zënë nga autoritetet Turke, me ç ‘rast është paraqitur si shtetas i Rusisë, Ashab Arsayev, i cili është paraburgosur, kurse më datë 5 shtator 2016 është depërtuar për në Kosovë”, ka njoftuar të mërkurën Prokuroria Speciale.
Gazeta Express ka qenë e njoftuar për rastin e pejanit, mirëpo edhe përkundër se ka kërkuar informacione nga Policia e Kosovës, pas arrestimit të të riut, autoritetet kosovare asnjëherë nuk kanë dhënë informacione në lidhje me të.
Deri më sot, kur Prokuroria Speciale ngriti aktakuzë ndaj tij për dyshimet se ka kryer veprën penale “bashkimi apo pjesëmarrja në ushtrinë ose policinë e huaj”.
Alban Gjuraj më parë kishte banuar në Gjermani. Nga atje, ai kishte nisur të përkrah grupet terroriste të ISIS-it, për ketë edhe ishte depërtuar në Kosovë, në vitin 2015.
“I pandehuri gjatë viteve 2014 – 2015, duke jetuar në Gjermani është bërë përkrahës i organizatës terroriste “ISIS”. Po ashtu, policia Gjermani me datë 18 prill të vitit 2015 e ka depërtuar për në Kosovë, ku edhe më tutje i nxitur nga ideologjia e lartë cekur, më datë 11 dhjetor 2015, nga aeroporti i Prishtinës ka udhëtuar për në Turqi, duke u fshehur si anëtar i OJQ-së, “LIZA-R”, ashtu që është ndarë nga grupi dhe ka vazhduar për në Siri, duke ju bashkangjitur grupit të shqiptarëve të cilët luftojnë në radhët e organizatës “ISIS””, ka njoftuar Prokuroria.
Gazeta Express mëson se Gjuraj pas kthimit nga Gjermania, kishte provuar të bindte të paktën 15 persona që ti bashkohen rrugëtimit të tij në Siri. Ai për ISIS-it provoi ti bashkohet në Shkurt të këtij viti. /Express/
