Një anketë e publikuar dje nga OSBE në Tiranë ka nxjerr se rreth 50 për qind e të pyeturve mendojnë se Enver Hoxha ka pasur rol pozitiv ose asnjë rol në historinë e vendit.
Anketa ku janë pyetur 995 persona mbi 16 vjeç është zhvilluar nga Kompania “Idra” dhe u mbështetën nga Prezenca e OSBE në Tiranë dhe ambasada gjermane. Të intervistuarve iu kërkua të vlerësonin kontributin e disa figurave publike të periudhës komuniste në Shqipëri, pa u dhënë përkufizime sa i përket natyrës së kontributit.
Të anketuarve iu kërkua të jepnin një vlerësim për ndikimin e Enver Hoxhës, Nexhmije Hoxhës dhe Ramiz Alisë në historinë e Shqipërisë.
Rreth 45% e të anketuarve mendojnë se Enver Hoxha ka pasur ndikim pozitiv, kurse 42% mendojnë se ky ndikim ka qenë negativ. Sa i përket moshës së të anketuarve, grupmosha 16¬35 vjeç duket të ketë një këndvështrim shumë më negativ për kontributin e Enver Hoxhës sesa grupmoshat e tjera.
Edhe të anketuarit me arsim të lartë kanë një qendrim dukshëm më negativ për Enver Hoxhën. Përveç kësaj, rezultatet e anketës tregojë se të anketuarit nga rajoni qendror kanë një perspektivë shumë më negative për kontributin e Enver Hoxhës (vetëm 33% u përgjigjën seai kishte pasur ndikim pozitiv), megjithëse ky rajon ka edhe numrin më të madh të atyre që nuk iu përgjigjën fare kësaj pyetjeje.
Të anketuarit nga rajoni jugor/jugperëndimor kanë vlerësimin më pozitiv për Enver Hoxhën, pasi më shumë se gjysma e të anketuarve (55%) në atë rajon deklarojnë se ai ka pasur ndikim pozitiv në historinë e vendit. Pas publikimit të këtij sondazhi ka reaguar ashpër sot edhe ish kryeministri Berisha, i cili ka sulmuar Ramën si porositës, ndërkohë që ka shprehur keqardhjen për prezencën në këtë prezantim të ambasadorit të OSBE-së në Tiranë, Bernd Borchardt.
Postimi i Berishës
Pollet e Edvinit per atin e tij shpirteror, nje manipulim i turpshem i realitetit!
Te dashur miq, dje, nje e ashtuquajtur kompani studimi te opinioneve, e lidhur historikisht koke e xhep me Edvinin, nxorri se shqiptaret ne mase te madhe paskan nje sipmati apo mendim pozitiv per Enver Hoxhen, diktatorin me mizor, me barbar te Europes se Pasluftes se Dyte Boterore. Ne ekspozene e ketij trillimi te paskrupullt, te bere me qellim nga Edi Rama, per fat te keq asistonte si per ta bere me te besueshem dhe ambasadori i OSBE Brochard. Me kete rast ju rikujtoj shqiptareve se ne pranveren e vitit 1991, lideret e partive te qendres se djathte te Europes nje nje deklarate te vecante cilesuan diktatorin Enver Hoxha si Hitlerin shqiptar te Pasluftes, dhe vetem pak kohe me vone nje studim opinioni nxirrte partine e Enver Hoxhes, PPSH, 24% para PD ne zgjedhje, nderkohe qe rezultati i votimit tregoi nje diference prej 42% ne favor te PD. Duke denuar kete perpjekje primitive per te manipuluar opinioni publik nga Edvin Krisaq Rama me veglat e tij, theksoj dhe nje here se Piktori deshtak edhe po te ngjalle Enverin nga varri eshte i pashpres!
