Pasi kryesia e PS-së e shkarkoi Koço Kokëdhimën edhe nga posti i sekretarit për Reformën Strukturore dhe Emigracionin në PS, ish-deputeti ka nisur takimet me lëvizjen anti-Rama.
Ish-deputeti socialist nga qyteti i Vlorës ka nisur një seri takismesh me disa prej përkrahësve të tij. Kjo është një lëvizje e tij pas shkarkimit që ju bë nga selia rozë edhe në postin e vetëm që ai mbante brenda kësaj partie.
Kokëdhima më parë ka mbajtur edhe postin e koordinatorit, por është shkarkuar nga ky post kohë më parë. Tashmë, ish-deputeti mbetet vetëm anëtar i Asamblesë, në të cilën është zgjedhur me votim.
Për të zëvendësuar Kokëdhimën në postin e sekretarit të Reformës Strukturore është propozuar Stefan Çipa, zv/ministër i Brendsshëm dhe ish-kryetar i Bashkisë së Sarandës.
