Një aksident rrugor ka ndodhur mbrëmjen e sotme në rrugën nacionale Koplik-Shkodër, në fshatin Dobraç. Si pasoj e këtij aksidenti ka mbetur i plagosur në gjendje të rëndë shëndetësore një 45-vjeçar.
Ngjarja ka ndodhur rreth orës 20:10, dhe është gjetur i shtrirë në tokë shtetasi Z.GJ. 45 vjeç, banues në Shkodër.
Sipas policisë, ai ka qenë duke udhëtuar me biçikletë, ndërsa është aksidentuar nga një automjet, i cili më pas është larguar nga vendi ngjarjes. 45 vjeçari i plagosur u dërgua me urgjencë në spitalin rajonal ku mësohet se është në gjendje të rëndë shëndetësore.
Sakaq, policia ka nisur hetimet për identifikimin dhe zbulimin e autorit të aksidentit.
