43-vjecarja Liljana Zhezha Ruko u vra dy ditë më parë nga burri i saj, i cili e hodhi nga dritarja e banjës që ndodhej në katin e katërt të një pallati në lagjen “Kryengritja e Fierit”. Por para krimit, Liljana Zhezha mësohet se kishte kërkuar një urdhër-mbrojtje nga bashkëshorti i saj, Rolandi.
Ky urdhër ishte dhënë 1 muaj më parë nga Gjykata e Fierit, e cila kishte pranuar kërkesën e gruas, por që burri nuk e kishte zbatuar, gjë që solli edhe krimin e tmerrshëm. Në urdhër thuhej se burri vrasës nuk duhet t’i afrohej më shumë se 2 metra.
Roland Ruko ka thënë në polici se ishte pikërisht denoncimi që kishte bërë Liljana për dhunën, ai që solli edhe sherrin që përfundoi me vdekjen e saj.
