Detaje të reja janë zbardhur nga ngjarja makabër që ndodhi në Korçë ku babai mbyti me tel dy djemtë e tij 4 dhe 6 vjeç si dhe më pas vrau veten.
Sipas motrës së Naum Toshi, mësohet se mes tij dhe bashkëshortes 24 vjeç kanë lindur konflikte të mëdha pasi ajo vendosi të punojë si kamariere në një klub nate.
Ngjarja
41- vjeçari Naum Toshi ndodhej vetëm në banesë me dy fëmijët e tij 4 dhe 6 vjeç pasi më 17 nëntor gruaja e kishte braktisur atë për një burrë tjetër.
Shkak i krimit makabër dyshohet të ketë gjendja e rënduar psikologjike e 41¬ vjeçarit pas braktisjes nga bashkëshortja, Marsela Toshi.
Gjithashtu, Toshi mësohet se ishte prind i 4- vjeçarit e ndërsa 6¬ vjeçari ishtë fëmijë i një lidhjeje martesore të mëparshme të gruas së tij.
Nuk raportohet që 41 -vjeçari të ketë pasur probleme mendore dhe njihej nga të afërmit si njeri i qetë dhe jo problematik, por braktisja nga bashkëshortja ka bërë që të jetë në gjendje të rënduar emocionale.
Ata ishin të martuar prej 6 vitesh, e ndërsa 2 muajt e fundit kishin pasur konflikte të shpeshta. Sipas burimeve, bashkëshortja e Toshit ka hyrë në Shqipëri në orën 02:00 e më pas është larguar drejt shtetit helen në orën 05:00. 24¬ vjeçarja punonte si kamariere në një klub nate në Korçë, që dyshohet të jetë dhe shkaku i konflikteve të shumta mes çiftit. Dëshmi të fqinjëve në lagje tregojnë për Shqiptarja.com se pasmesnate kanë dëgjuar britmat dhe të qarat e fëmijëve.
