Një person është arrestuar nga policia e Elbasanit në lidhje me vrasjen e ndodhur në fshatin Gur i Zi, pasi akuzohet për pengim të zbardhjes së krimit. Në prangat e bluve të Elbasanit ka rënë Naim Hazizi, 27 vjeç, banues në fshatin Guri i Zi.
Sipas policisë 27-vjeçari Hazizi është dëshmitar i krimit ku vdiq Gazment Sllami si dhe dyshohet se ka fshehur edhe armën e vrasjes, një çifte. Ky person është ndaluar nga efektivat e policisë pasi dyshohet të ketë penguar në zbulimin e së vërtetës për vrasjen e ndodhur më datë 26 nëntor 2016 në një kodër në fshatin Guri i Zi.
Autor i dyshuar i kësaj vrasje është 21-vjeçari Altin Hazizi, i arrestuar nga policia, i cili ka rrëfyer edhe krimin.
Grupi hetimor sekuestroi në cilësinë e provës materiale armën e gjahut teke. Dosja i ka kaluar Prokurorisë së Elbasanit për veprën penale “Veprime që pengojnë në zbulimin e së vërtetës”.
