Një grua ka gjetur vdekjen pasi ka rënë nga kati i 4-t i një pallati në Fier.
Sipas informacioneve të para viktima është Liljana Ruko, e cila ndërroi jetë rrugës për në spital, teksa ngjarja ka ndodhur në lagjen ‘Kryengritja’ në qytetin e Fierit.
Policia ka shoqëruar në komisariat bashkëshortin e saj, pasi ka dyshime se mund të ketë hedhur ai gruan pas ndonjë sherri të mundshëm mes tyre.
Çifti ishte kthyer nga Gjermania pak kohë më parë, ku kishin shkuar për të kërkuar azil, por iu ishte refuzuar.
