Kryetari i Partisë Demokratike Lulzim Basha u tha qytetarëve në Delvinë se gjendja në vend është e padurueshme dhe ka ardhur ora e ndryshimit. Sipas kreut të opozitës, realiteti është dramatik, shqiptarët janë braktisur nga qeveria që ekziston në botën e saj të luksit.
Sipas Bashës në këto 3 vite janë dhënë 1 miliardë dollarë për shëndetësinë, por jo vetëm që nuk është shpenzuar asnjë lek për përmirësimin e shërbimit i cili është përkeqësuar, por paratë kanë shkuar në 2-3 klientë të Edi Ramës.
Sipas tij, thirrja për demokratët është e qartë. Demokratët i kanë prirë ndryshimit dhe nevojave të vendit qysh ditën e parë të krijimit. Atë që nuk e bën Edi Rama, atë që nuk e bën dot ai, ne duhet ta bëjmë me çdo kusht, pasi sipas tij duhet të njohim realitetin ku jetojnë bashkëqytetarët tanë”, theksoi Lulzim Basha.
