Ministri grek i Mbrojtjes,Panos Kammenos, duke ngritur flamurin grek në kufi me Shqipërinë, në Molivdoskepasti, ka dhënë një mesazh të fortë drejtuar vendit tonë dhe një përgjigje të prerë kërcënimit të erdogan.
Kathimerini shkruan se deklarata e tij është bërë gjatë një vizite në garnizonin ushtarak kufitar në në Epir. Kamenos foli prerë duke thënë se “Greqia nuk mund të pranojë sfida dhe referenca që ndikojnë në historinë dhe të drejtën ndërkombëtare”.
Duke u ndaluar në dekaratat e fundit të kryeministrit të Shqipërisë, Edi Rama, të cilat u pasuan me retorika jo shumë të paqta mes palëve, ai i quajti ato sajesa antihistorike. “Na sjellin përsëri në kujtesën tonë bashkëpunëtorët e nazistëve. Ata ishin në anën e mundur në luftë. Ne nuk do të pranojmë sfida të tilla dhe nuk do të pranojnë raporte të tilla, të cilat dëmtojnë historinë dhe të drejtën ndërkombëtare”¬ tha ai.
Sa për Erdogan, që kërkoi shfuqizimin e traktatit të Lozanës, ministri grek reagoi: “Që këtua dua të dërgoj një mesazh për të gjithë ata që guxojnë të sfidojnë traktatet ndërkombëtare me deklarata provokuese. Nga njëra anë kemi Turqinë, e cila me deklaratat e saj të përsëritura po përpiqet të minojnë klimën politike. Përgjigja jonë është sipas të drejtës ndërkombëtare, duke mbrojtur sovranitetin kombëtar të vendit”, tha ai.
