Ndërprerja e derbit të kryeqytetit mes Tiranës dhe Partizanit është pasqyruar edhe nga mediat e huaja. Gazeta sportive italiane “La Gazzetta dello Sport”, i ka kushtuar një shkrim derbit, i cili u ndërpre në minutën e 63-të për shkak të shkëputjes së energjisë elektrike.
“40 minuta pezull për derbin e kryeqytetit shqiptar mes Tiranës dhe Partizanit për shkak të një ‘blackout’i në impiantin e ndriçimit të stadiumit. Tifozët kanë përfituar nga rasti për ta kthyer atmosferën në një festë të vërtetë duke ndriçuar stadiumin me telefona dhe mjete të tjerë të ndryshëm dhe duke kënduar në mbështetje të skuadrave të tyre derisa u vendos që ndeshja nuk do të rifillonte”, shkruan gazeta më e madhe sportive “La Gazzetta dello Sport”.
