Kreu demokrat Lulzim Basha është ndalur në Gjirokastër, ku ka vazhduar turin e takimeve me qytetarët. Banorët iu ankuan liderit të opozitës se kanë muaj dhe disa prej tyre vite, që janë pa energji elektrike dhe janë pa ngrohje.
Secili prej banorëve në lagjen Zinxhira të braktisur totalisht nga qeveria dhe autoritetet, ka një dramë më vete.
“Qeveria ime nuk do harxhojë 80 apo 10? 0 milionë euro në vit për zyra, për orendi, për makina, për karburant, për bileta avionësh siç i harxhon ky. Çfarë i duhet kryeministrit një palmë që e blen 600 euro kur ka qindra e mijëra familje që i vënë fëmijët të flenë pa ngrënë” u tha Basha banorëve.
Në aktivin e degës së Gjirokastrës, Basha, theksoi mesazhin e hapjes, të bashkimit dhe qëndrimit pranë njerëzve. Në kontrast me qeverinë, Basha kërkoi që demokratët ta prekin nga afër realitetin e njerëzve.
Basha vuri në dukje se ndryshimi i vendit, do të ndodhë por kësaj duhej ti paraprijë ndryshimi i Partisë Demokratike.
