Është shtyrë për të shtunën seanca e masës së sigurisë për policin që akuzohet se ushtroi presion ndaj të plagosurit të aksidentit në Lungomare.
Ditën e sotme pritej që komisar Myslym Ismailaj, të njihej me masën e sigurisë, por u vendos që seanca të shtyhet për ditën e nesërme.
Komisar Myslym Ismailaj, shef i hetimit për aksidentet në policinë e Vlorës u arrestua dy ditë më parë me dyshimet se po favorizonte firmën e ndërtimit.
Sipas policisë, Ismailaj ka ushtruar presion ndaj 21-vjeçarit Petraq Beja që të pranonte se kishte problem me shikimin.
Aksidenti i rëndë u regjistrua mbrëmjen e 26 nëntorit 2016, në të cilin humbi jetën 17 -vjeçari Kristo Panajoti.
