Shqipëria do të marrë në dhjetor kushte të reja për hapjen e neogociatave të anetaresimit në BE. Këtë deklaratë e ka dhënë ministri i Jashtëm grek Nikos Kotzias për edicionin grek të “Huffington Post”. Sipas numrit 1 të diplomacisë helene, kanë qenë keto kushte që kanë shkaktuar nervozizëm së fundi tek pala shqiptare.
Kotzias u shpreh se Shqipërisë do t’i vihen edhe kushte të tjera, përveç pesë kritereve të njohura për hapjen e negociatabve të antaresimit në BE.
Në raportin qe do te publikohet ne 12 dhjetor, sipas Kocias, veç pesë reformave që kërkon Komisioni Europian, do të përmenden edhe nevoja e respektimit të fqinjësisë së mirë, njohja e të drejtave të minoritetit, shfuqizimi i konceptit të trashëguar nga periudha e sundimit komunist mbi zonat minoritare, që nuk i njeh të drejtën e minoritetit banorëve të Himarës, lufta kundër krimit të organizuar dhe trafikut te drogës.
Sidomos këto dy çështjet e fundit, sipas Kotzias, kanë shkaktuar nerovozizëm te pala shqiptare. I pyetur nëse ka tensione në marrëdhëniet diplomatike mes Greqisë dhe Shqipërisë, politikani grek shton se pala shqiptare është e tensionuar pasi e kishte konsideruar shumë të lehtë marrjen e një date për hapjen e negociatave, nderkohe tashmë ka kuptuar se duhet të plotësojë edhe kushtet e tjera per te marre nje vleresim te mire.
