Sërish tonelata me drogë në Itali, teksa në pranga përfundojnë 4 shtetas shqiptarë.
Mediat italiane bëjnë me dije sekuestrimin e gati një ton marihuanë gjithsej në 4 operacione të ndryshme anti-drogë të skuadrës policore të lëvizshme në Leçe. Në burg tani janë katër shtetas shqiptarë dhe një italian, të cilët u kapën me sasi të mëdha marihuane, heroinë dhe një pushkë automatike AK 47, e prodhuar në Kinë. Kallashnikovët me municioni janë gjetur në makinën e dy shqiptarëve me inicialet V.S. dhe S.N. që jetojnë në veri të Italisë, ku kishin fshehur në bagazh edhe 70 kg marijuanë. Një tjetër shqiptar, i cili ngiste një karroatrec teksa u ndalua për kontroll, iu gjetën 130 kilogramë marihuanë. 100 kg të tjerë u zbuluan në një tjetër makinë, e drejtuar nga një shqiptar 23 vjeçar me inicialet R.S. i cili ishte po ashtu vinte nga Veriu i Italisë. Së fundi, 500 kg marijuanë u zbuluan në një fshat jashtë Acaya.
