Një person ende i paidentifikuar, është gjetur pa shenja jete në mëngjesin e sotëm në qytetin e Pejës. Ai ishte një tregtar i këtij qyteti, e që vdekja e tij ndodhi rreth orës 06:00 të mëngjesit.
Por ndonëse tashmë ora ka kaluar në 09:00 të mëngjesit, një fotografi e dërguar në Express tregon se trupi i pajetë ende nuk është larguar nga rruga. Ndërkaq pas pothuajse tre orësh raportohet se ekipa e forenzikës gjendet në vendin e ngjarjes Policia e Kosovës ka dhënë detajet rreth ngjarjes në Pejë, ku një person është gjetur i vdekur në qendër të këtij qyteti. Zëdhënësi i PK¬së për rajonin e Pejës Xhevat Ibra, ka thënë se rreth orës 5:50 është informuar nga një dëshmitar se një person i shtrirë në rrugën “Konferenca e Bujanit”. Ai thotë se Policia e Kosovës ka dalë në vendin e ngjarjes, ndërsa mjeku kujdestar e ka konstatuar vdekjen e viktimës. Mësohet se viktima është i gjinisë mashkullore, i lindur më 1952. “Rasti është cilësuar hetim i vdekjes, dhe hetuesit rajonalë do ta hetojnë rastin, në bashkëpunim me prokurorin”, tha Ibra.
