Një 55-vjeçar i akuzuar për “largim nga vendi i aksidentit” dhe “shkelja e rregullave të qarkullimit rrugor” është arrestuar në flagrancë nga policia e Shkodrës ditën e sotme.
Në pranga ka rënë Cin Shani, banues në Shkodër, pasi më datë 30 nëntor në rrugën Rranxa-Barbullush, në vendin e quajtur “Ish SMT”, në Vaun e Dejës, duke drejtuar mjetin furgon me targa AA 071 BN, ka aksidentuar shtetasen L.P. 52 vjeçe dhe është larguar nga vendi i ngjarjes.
E aksidentuara mësohet se ka mbetur e plagosur, dhe ndodhet jashtë rrezikut për jetën. Materialet proçeduriale i kaluan Prokurorisë së Rrethit Gjyqësor Shkodër për veprime të mëtejshme.
