Spartak Braho, depueti i LSI-së dhe kreu i Komisionit të Sigurisë Kombëtare, ka komentuar deklaratën e presidentit Bujar Nishani që do të rikandidojë për një mandat të dytë në krye të shtetit.
Sipas Brahos kjo është thjesht një “ëndërr në sirtar” e presidentit dhe sipas tij, presidenti ka përcjell mesazhe përçarëse dhe shumë veprime të tij kanë qenë të pasakta politikisht e ligjërisht.
“Kjo është një ëndërr e parealizueshme për këtë President. Dikush i ka thënë që është kryetar i Partisë Demokratike. Mjaft veprime të tija, jo vetëm kanë qenë të pasakta ligjërisht dhe politikisht, por kanë përcjellë mesazhe përçarjeje”, ka thënë Braho
