Gjashtë persona anëtarë të një grupi të dyshuar që akuzohen për kryerjen e 17 grabitjeve në Katalonia, janë arrestuar nga policia spanjolle.
Pesë nga të arrestuarit janë shqiptarë të moshave nga 22 deri në 34 vjeç, ndërsa i gjashti është një shtetas gjerman. Grupi i kryente grabitjet gjatë natës dhe siguroheshin mirë që në banesa të mos kishte njerëz.
Grupi bënte lëvizje në hapësira të mëdha në territorin katalanas, ndërsa ka qarkulluar edhe në pjesë të tjera të Spanjës dhe Evropës Qendrore.
Ata arrinin të shqyenin dyert ose dritaret e banesave për të hyrë dhe shpesh ndryshonte anëtarët e vet gjatë grabitjeve, duke vështirësuar hetimet e policisë.
Policia e Spanjës ka bërë me dije për mediat se grabitjet janë kryer në të paktën 8 qytete, por nuk përjashtohet pjesëmarrja në krime të tjera të ngjashme.
