“Po vijmë në Kolumbi”. Ky është një nga statuset që kanë përdorur futbollistët e Chapecoense, të cilët humbën jetë gjatë një aksidentit tragjik mëngjesin e sotëm. Disa minuta para se avioni me 81 persona në bord të rrëzohej, futbollistët kanë postuar foto dhe video në rrjetet sociale.
Por portieri Danilo ishte ndër 5 personat që u nxorrën të gjallë nga rrënojat e avionit të rrëzuar mbrëmjen e djeshme në Medelin të Kolumbisë.
Para se të vdiste në spital Danilo arriti t’i bënte një telefonatë bashkëshortes së tij. 31-vjeçari u dërgua menjëherë në spital dhe foli me bashkëshorten e tij nga krevati i spitalit për herë të fundit.
Ai vdiq vetëm disa momente më vonë për shkak të plagëve të marra.
Disa javë më parë ai kishte postuar një foto në rrjetin social “Facebook” të vetes me bashkëshorten e tij ku i shkruante “dashuria ime”.
Foto e fundit që Danilo hodhi ishte me bashkëlojtarin Alan Rucshel 27 vjeç, gjatë udhëtimit nga Brazili.
Avioni ishte nisur nga aeroporti Viru i Bolivisë, por duket se moti i keq është bërë shkak i ngjarjes tragjike.
