Një 20-vjeçar është arrestuar nga Policia e Tiranës mbrëmjen e djeshme, pasi së bashku me dy shokë të tjerë kanë udhëtuar me një makinë të blinduar me pistoletë pa leje me vete.
Policia njofton se dje rreth orës 23:30 në vendin e quajtur Rruga “Unaza” në Vorë, është bërë ndalimi e me pas kontrolli i mjetit tip “Toyota ” ku kanë qënë duke udhëtuar tre shtetas, më konkretisht:
1- Xhoni Asllanaj, 20 vjeç, banues në Tiranë (Vorë), i dënuar më parë për veprën penale të “Vjedhje”. (arrestuar) për armëmbajtje pa leje’
2- J.Daçi 20 vjeç, banues në Vorë (Tiranë), i dënuar më parë, proceduar gjendje të lire si dhe
3- A. Kovaçi (xhabafti) 44 vjeç, banues në Vorë (Tiranë), proceduar gjendje të lirë.
Policia njofton se arrestimi dhe proçedimi ne gjendje te lire i këtyre shtetasve u bë pasi nuk i janë bindur punonjësve të policisë me anë të veprimeve të tyre. Gjatë kontrollit të ushtruar në çantën e dorës së shtetasit Xhoni Asllanaj u gjet dhe u sekuestrua në cilësinë e provës materiale: një armë zjarri e tipit pistoletë e markës HS2000 si dhe një krehër me 15 fishekë kalibër 9mm. U sekuestrua ne cilësinë e provës materiale arma e zjarrit tip pistolete dhe automjeti tip Toyota (e blinduar).
Materialet i’u kaluan Prokurorisë pranë Gjykatës së Shkallës së Parë Tiranë për veprat penale të “Mbajtje pa leje e armë e dhe muncionit luftarak ”si dhe “Mosbindje ndaj urdhrit të punonjësit të policisë së rendit publik”.
