Italia qendrore është tronditur përsëri pasditen e sotme nga lëkundjet e tokës. Një tërmet me magnitud 4.4 ballë është regjistruar rreth orës 17:14 mes L’Aquila dhe Amatrice në një thellësi prej 14 kilometrash.
Sipas mediave në shtetin fqinj epiqendra ishte në zonën e Capitignano. Por lëkundjet kanë qenë të forta sa janë ndjerë edhe në Capitignano, Montereale, Campotosto, Barete e Cagnano Amiterno.
Deri tani nuk raportohen për viktima apo për persona të plagosur nga lëkundjet e këtij tërmeti. Pak kohë më parë Italia u godit nga një tërmet i fuqishëm ku humbën jetën 300 persona dhe mbi 500 të tjerë mbetën të plagosur ndërsa mijra banor të këtyre zonave mbetën të pastrehë.
