Janë mbyllur hetimet nga prokuroria spanjolle për anëtarët e një rrejti që merreshin me trafik droge. Gjatë operacionit të zhvilluar një vit më parë, policia spanjolle arrestoi 6 persona, ku pjesë e tyre ishin edhe dy shtetas shqiptarë.
Gjatë operacionit polica sekuestroi 20 kg heroinë, 8 kg kokainë, përzierës, disa armë zjarri dhe 330.000 euro.
Grupi në fjalë, dyshohet se ka futur në Pontevedra dhe Galicia, kokainë dhe heroinë të siguruar në Valencia.
Ndërsa, pas hetimeve, mediat spanjolle raportojnë se prokuroria, për Afrim H., ka kërkuar 9 vite burgim për drogë dhe 2 vite burgim për dy akuza për falsifikim, gjithsej 11 vite. Ndërsa, për shqiptarin tjetër Esmerald. L., është kërkuar 8 vite burgim.
