Klubi i futbollit të Tiranës ka bërë me dije çmimet e biletave dhe ndarjet e tribunave për drebin e së enjtes ndërmjet Tiranës dhe Partizanit. Për sfidën e shumëpritur, biletat në tribunën kryesore të “Selman Stermasit” do të kushtojnë 500 lekë, kurse në sektorët e tjerë 2000 lekë. Në dispozicion të tifozëve të kuq do të jenë tribunat B1/B2 dhe H1/H2, ndërsa biletat do të dalin në shitje prej paradites së të martës.
Njoftimi i plotë
Janë përcaktuar detajet organizative për ndeshjen TiranaPartizani. Ky takim do të zhvillohet ditën e enjte, datë 1 dhjetor në stadiumin “Selman Stermasi”, në orën 18:00. Biletat për këtë takim do të dalin nesër në shitje prej orës 10:00 te biletaritë pranë stadiumit. 1500 biletat për sektorët D1 dhe D2 ku do të qëndrojnë Tirona Fanatics, janë shitur tashmë dhe menaxhohen nga tifogrupi. Tifozeria e kuqe do të vendoset në sektorët B1, B2, H1 dhe H2 ndërkohë që të gjithë tribunat e tjera të shtëpisë bardheblu do t’i përkasin tifozëve të Tiranës. Klubi ju fton të mos mungoni në këtë ndeshje që bashkë duhet ta fitojmë. Nxitoni të pajiseni me bileta për ta veshur “Selman Stermasi”n me ngjyrat qe i takon.
Çmimet e biletave bardheblu Tribuna – A1/ A2 – 2 000 lekë (të reja) Tribuna – C1/ C2 – 500 lekë Tribuna – D1/ D2/ E/ F/ G1/ G2 500 lekë
Çmimet e biletave për Partizanin Tribuna B1/ B2 – 2 000 lekë (të reja) Tribuna H1/ H2 – 500 lekë.
