Një 21-vjeçar shqiptar dhe një 28-vjeçar grek kanë përfunaduar në prangat e policisë greke, pasi në mjetin që po udhëtonin u janë sekuestruar një sasi prej 29 kg drogë.
Lënda narkotike është sekuestruar nga policia helene mëngjesin e sotëm në autostradën “Egnatia” në afërsi të Metsovo-s në Janinë.
Dy të arrestuarit ndodhen nën akuzën e transportit, posedimit dhe trafikimit të drogës. Automjeti drejtohej nga shtetasi grek, ndërsa shqiptari ishte pasagjer.
Gjatë kontrollit policia ka sekuestruar 29 kg e 610 gramë kanabis, e ndarë në 24 pako, ndërsa i riu shqiptar kishte kaluar ilegalisht kufirin për në vendin fqinj.
Policia ka sekuestruar automjetin që po transportonte drogë, tre telefona celularë si dhe 150 euro.
