Gati sa nuk është kthyer në një tragjedi për një familje shqiptare në Itali pasditja e kësaj të hënë ku makina me të cilën po udhëtonin u përfshi e gjitha nga flakët.
Në makinën tip “Fiat”, ndodheshin katër persona pjestar të një familje, një grua dhe tre fëmijët e saj. Makina me të cilën ata po udhëtonin ka marrë flakë në rrugën “Gobetti”, në komunën “Macerata Campania” të Italisë.
Por, përpara se të merrte flakë e gjitha, pasagjerët mundën që të largoheshin nga makina. Makina është shkrumbuar e gjitha, ndërsa banorët kanë dalë në rrugë për shkak të erës së fortë të djegës.
Zjarrfikëset mbërritën në vendin e ngjarjes, ku bënë të mundur normalizimin e situatës, ndërsa policia ka nisur hetimet për të zbuluar shkakun e shpërthimit të mjetit.
