Dy shqiptarë kanë përfunduar në prangat e policisë italiane, pasi më 13 shtator në Breshia , ata kanë dhunuar dhe grabitur një të moshuar.
Sipas policisë në shtetin fqinj, tre persona u futën në banesën e argjendarit 70-vjeçar në rrugën “Corsica” në Breshia, si dhe e kanë rrahur e torturua, për çelësat e kasafortës. Autorët nuk e kanë marrë atë që donin nga 70-vjeçari dhe më pas kanë kaluan në planin B, shqyen kasafortën nga muri, e cila peshon rreth 500 kg, e ngarkuan në makinën e të moshuarit dhe ia mbathën.
Kur argjendari arriti të lirohej nga nastro me të cilën grabitësit i kishin lidhur këmbët dhe duart, telefonoi policinë, të cilët më pas mbërritën në vendngjarje. Sipas mediave italiane, në kasafort ai kishte 25 mijë euro dhe disa bizhuteri ari.
Hetuesit janë vënë në gjurmët e dy prej grabitësve, të cilët më pas janë vënë në pranga. I pari është 23-vjeç dhe u arrestua më 15 nëntor para se të hipte në një avion që nisej për në Gjermani.
Ndërsa shoku i tij u arrestua në një bar në komunën Rezzato të Breshias. Edhe 24-vjeçari është shoqëruar në burgun e Canton Mombello. Sipas mediave italiane autorët kanë bashkëpunuar dhe me një person të katërt për kryerjen e kësaj grabitje si kanë shpallur në kërkim edhe një person tjetër.
