Përfaqësues të Partisë Demokratike kanë bërë homazhe sot në 104-vjetorin e pavarësisë dhe 72-vjetorin e çlirimit të Shqipërisë tek “Varrezat e Dëshmorëve”.
Kreu i PD-së, Lulzim Basha, ish-kryeministri Sali Berisha dhe drejtues të tjetër të opozitës kanë zhvilluar homazhe paraditen e sotme tek monumenti “Nënë Shqipëri” .
Ndërkaq kreu i PD-së, Lulzim Basha ka dhënë një deklaratë të shkurtër urimi për Pavarësinë dhe Çlirimin ku ka uruar të gjithë shqiptarët .
“Ju uroj shqiptarëve kudo që janë të gjitha bashkatdhetarëve Gëzuar 28 nëntorin! Ta nderojmë këtë ditë duke u bërë bashkë, duke e bërë Shqipërinë një vend ku kthehen dhe jo largohen shqiptarët”, u shpreh Basha.
