Policia Rrugore e Tiranës ka vendosur 19 persona në pranga gjatë fundjavës, ndërsa 43 të tjerëve u janë hequr patentat e do të dalin para komisionit të Policisë Rrugore.
Mësohet se këta persona drejtonin mjetin në gjendje të dehur, në kundërshtim me rregullat e qarkullimin rrugor.
Po ashtu, policia ka publikuar në faqen e saj një video ku shfaqet momenti kur ndalohet një drejtues mjeti, i cili rezultonte i dehur pas testit të alkoolit në gjak. Ai iu justifikua policit se nuk kishte pirë më shumë se dy gota.
