Është dënuar me 5 vite burg ish-kryetarja e bashkisë së Xhenovas në Itali, Marta Vincenzi për përmbytjet që ndodhën në qytetin që ajo drejtonte më 4 nëntor të vitit 2011. Lumi “Fereggiano” doli nga shtrati dhe përmbyti banesat e qytetit, ku humbën jetën 6 persona, tre prej të cilëve me origjinë shqiptare.
Gjyqtarja e shpalli fajtore kryebashkiaken për disa vepra penale, si vrasje e shumëfishtë, fajtore e fatkeqësisë, etj. Në atë kohë, humbën jetën shqiptarja Shpresa Djala, 23 vjeçe dhe dy fëmijët e saj, përkatësisht 8 vjeçe dhe 10 muajshe.
Për secilën nga veprat ajo ka marrë nga disa vite burg. E dënuara tha se e konsideronte veten të pafajshme, ndërsa paralajmëroi se do ta çonte çështjen edhe në shkallët e tjera të gjyqësorit.
