Policia italiane i ka vënë prangat një shqiptari, i cili rrihte gruan dhe madje e përdhunonte. Shqiptari është denoncuar për dhunë të vazhdueshme fizike dhe seksuale ndaj gruas së vet, edhe ajo shqiptare.
Mediat italiane raportojnë se ngjarja ka ndodhur në Cuneo, ku karabinierët kanë nisur hetimet për dhunë fizike dhe seksuale ndaj shqiptarit 43-vjeçar. Ai ishte i papunë dhe akuzohet se dhunonte në vazhdimësi gruan e tij, një kamariere 36-vjeçare.
Hetimet nisën pas një episodi të fundit kur ai e kishte grushtuar gruan. Më pas u zbulua kalvari i vuajtjeve të gruas, e cila ishte e dhunuar. Gruaja ka dëshmuar se përpos dhunës fizike, burri e detyronte gruan për raporte seksuale me dhunë dhe kundër dëshirës së saj.
