Detaje të reja kanë dal pas vrasjes së një 32-vjeçari shqiptar në Greqi. Policia helene ka ndërmarrë një aksion të gjerë për zbulimin dhe identifikimin e autorëve që ekzekutuan Rigert Dervishin në Athinë.
Por sipas mediave të shtetit fqinj, vrasja e shqiptarit Dervishi ka qenë aksidentale. Hetimet thonë se për objektiv ka qenë shqiptari tjetër, i cili udhëtonte me 32-vjeçarin Dervishi.
Ai është identifikuar vetëm si një 36-vjeçar i lidhur me trafiqet e drogës. Policia helene ka arrestuar 54 të dyshuar si pjesë e një trafiku të organizuar të drogës dhe po pyeten për vrasjen e shqiptarit. Kështu, janë sekuestruar 400 kg hashash, 10 automjete, pesë armë zjarri, 1 kg kokainë. Janë kontrolluar edhe 25 banesa. Ende nuk ka gjurmë të autorëve. Ata dyshohet se janë shqiptarë dhe të lidhur me trafikun e drogës Shqipëri-Greqi.
