Një 17-vjeçar ka humbur jetën, ndërsa një 21-vjeçar ka mbetur I plagosur, pasi makina me të cilën udhëtonin përfundoi në kanal pranë “Ujit të Ftohtë” në qytetin e Vlorës.
Policia e qytetit bregdetar sqaron se një automjet tip “BMW X6” me targa AA 010 AU, ka dalë nga rruga në aksin rrugor Uji i Ftohtë-Skelë, duke përfunduar në një kanal.
“Për pasojë kanë marrë dëmtime të rënda drejtuesi i mjetit, shtetasi P.B., 21 vjeç, banues në Vlorë, bashkë me një pasagjer, të cilët u dërguan menjëherë në Spitalin e Vlorës, por rreth orës 00:05, Spitali ka konfirmuar humbjen e jetës së pasagjerit. Policia ka identifikuar viktimën me gjeneralitetet K.P., 17 vjeç, banues në Vlorë”, sqaron policia në komunikatë.
Menjëher në vendin e ngjarjes mbëriti grupi hetimor dhe kreu veprimet e mëtejshme hetimore për sqarimin e rrethanave të aksidentit. Sipas informacioneve të para makian ka rënë në një kanal të hapur për ndërtimin e Lungomares.
