Policia e Lezhës ka shpallur në kërkim dy persona pasi kanë tentuar të vrasin me armë një tjetër person.
Ngjarja ka ndodhur në Mirditë dhe ata janë V.A. 51-vjeç dhe L.A. 17-vjeç, bëjnë me dije burime zyrtare nga policia lokale.
Ata dyshohet se në bashkëpunim me njëri- tjetrin, në Mirditë, pas një konflikti që kanë pasur një ditë me parë me shtetasin D.A., 46-vjeç, banues po në Mirditë, kanë tentuar ta vrasin me armë zjarri.
Materialet ndaj tyre i kanë kaluar Prokurorisë së Rrethit Gjyqësor për Veprat penale, “Vrasje me dashje” e mbetur në tentativë në bashkëpunim dhe “Prodhim dhe mbajtje pa leje e armëve luftarake dhe municioneve”.
