Adoleshenti 17-vjeçar që humbi jetën në aksidentin e natës së shkuar pranë “Ujit të Ftohtë” në Vlorë është përcjellë për në banesën e fundit në Dhërmi.
Familjarët e Kristo Panajotit, janë ndaluar pranë vendit ku ndodhi aksidenti i rëndë, duke vendosur lule, raporton Ora News. Ata kanë hedhur gurë ndaj makinerive të firmës që po punonte në rrugë dhe kanë lëshuar mallkime ndaj kryeministrit Edi Rama. “Shtet mafioz”, “e provofte tek Zaho”, thonë ata mes ulërimave.
Automjeti tip BMW-X6 përfundoi në kanalin e hapur për ndërtimin e Lungomares.
Familjarët fajësojnë firmën ndërtuese për aksidentin, duke nënvizuar se ajo nuk ka vendosur shenja sinjalizuese fosforeshente.
Ata kanë kërcënuar se do të hedhin në gjyq firmën. I ndjeri është djali i një biznesmeni të njohur në qytet në fushën e transporteve.
