Operatori i Shpërndarjes së Energjisë Elektrike njofton se përgjatë 24 orëve në vijim mund të ketë shkëputje të vogla në disa zona të kryeqytetit për shkak të punimeve për vendosjen e nënstacionit të qendrës.
Sipas OSHEE, bëhet fjalë për zona në qendër të kryeqytetit si rruga “Dervish Hima”, rruga “Qemal Stafa”, pranë Gardës, rruga “Dora Distria”, rruga e Elbasanit, rruga “Themistokli Gërmenji”, pranë TVSH-së, rruga “Dëshmorët e 4 shkurtit”, rruga “Vaso Pasha”, “Lidhja e Prizërenit” dhe bulevardi “Zogu i Parë”.
OSHEE njofton se brenda fundjavës të gjitha fidrat që furnizojnë qendrën e Tiranës do të jenë të lidhura dhe situata do të normalizohet. Ndërkohë, punimet për nënstacionin qendër duhet të përfundojnë brenda 15 dhjetorit.
