E premtia e zezë është kthyher në një tragjedi në SHBA. Dy persona janë vrarë dhe një tjetër është plagosur nga të shtënat me armë në New Jersey, mëngjesin e kësaj të premte kur të gjithë po mbanin radhën për të përfituar nga ulja e çmimit.
Të shtënat kanë ndodhur në Hamilton Mall në South Jersey, pasi siç dihet “Black Friday” (e premtja e zezë) është një nga ditët më të ngarkuara të vitit, ku të gjithë dyqanet në të gjithë botën bëjnë ulje marramendëse të veshjeve dhe produkteve të tjera.
Një djalë 20 vjeç u qëllua për vdekje ndërsa vëllai i tij mbeti i plagosur gjatë të shtënave jashtë një dyqani në New Jersey të premten në mëngjes. Kurse në Nevada, të enjten një person u qëllua për vdekje gjatë një konflikti në një parkim në qendër tregtare. Të premten dyqanet hapën dyert, që është një nga ditët me më shumë shitje të vitit. Në shumë prej tyre, njerëzit janë konfliktuar me njëri-¬tjetrin për të marrë produkte me zbritje.
