Me shtatë vite burg është dënuar kreu i një bande shqiptare të kultivimit dhe trafikimit të kanabisit në Belgjikë.
Lajmi bëhet i ditur nga mediat belge, sipas të cilave, Gjykata e Bryzhit, ka dhënë masën e dënimit me 7 vite burg për shqiptarin Driton K.
Sipas hetuesve, banda e shqiptarëve ka kultivuar 11 plantacione me kanabis në banesa që merreshin me qera. Nga hetimet dhe përgjimet është zbuluar se Driton K., ishte në krye të bandës. Ndërsa, Liridon L., ka vepruar si krahu i tij i djathtë dhe është dënuar me 5 vite burgim, raporton media belge “HLN”. Ndërsa dënime më të zbutura kanë marrë të pandehurit e tjerë.
