Lorenc Prifti 44-vjeçari shqiptar që vrau ekonomistin italianin Francesco Maria se i prishi gjumin u dënua me 30 vite burg. Ngjarja tronditi opinionin publik në shtetin fqinj dhe pavarësisht protestave në rrugë, apo dhe letrës që bëri nëna e italianit të vrarë presidentin, asgjë nuk ndryshoi, pasi gjyqtarja dha 30 vite burg për shqiptarin.
Vendimi është dhënë nga gjyqtarja Isabella De Angelis, pasi për shqiptarin u pranua procesi i shkurtuar. Fillimisht prokurorët kishin kërkuar dënimin me burgim të përjetshëm. Lorenc Prifti u shpall fajtor për vrasjen e ekonomistit Francesco Maria Pennacchi. Gjykatësja dhe prokurorët thanë se bukëpjekësi shqiptari kishte vepruar me gjakftohtësi.
Por si ndodhi vrasja në 26 nëntor 2015
Gjithçka ka nisur me një festë në studion e financierit italian Francesco Maria Pennacchi, 32 vjeç, në zonën e Velletri (Romë). Dhe shkak është bërë zëri i lartë i muzikës që shqetësonte fqinjin shqiptar, Lorenc Priftin, me profesionin e furrtarit.
Festa e Francesco Maria Pennacchi ka shqetësuar dhe prishur gjumin e familjes së shqiptarit Prifti, që jetonte me gruan dhe një fëmijë, ndërsa punonte në një nga furrat më të njohura të zonës për prodhimin e bukës.
Shqiptari i ka kërkuar Penacchit dhe miqve të tij që të ulnin zërin e muzikës.
Këtu ka lindur debati mes tyre dhe më tej nisi një sherr e përleshje. Prifti ka shkuar në apartament duke marrë një thikë të madhe në kuzhinë. Ai e ka goditur 32-vjeçarin disa herë dhe është arratisur nëpër rrugicat e Velletres.
Karabinierët mundën ta kapnin shqiptarin pak minuta më pas në rrugët e qytezës dhe nuk ka bërë rezistencë, teksa ka pranuar se e kishte goditur italianin.
