Gigi Hadid i bëri të gjithë të qeshnin me imitimin që i bëri Melania Trump-it në skenën e eventit muzikor Ama2016. Por menjëherë pas shfaqjes, publiku u kthjellua dhe pyeti veten: “Mos nuk duhet të kishim qeshur?”
Kaq mjaftoi që audienca të ndahej në dy pjesë: ata që mendonin se ishte për të qeshur dhe ata që mendonin se kishte tone raciste. Për këtë kategorinë e dytë, Gigi Hadid shkroi një letër ku kërkonte falje dhe e publikoi në Instagram.
“Ishte nder për mua të prezantoja AMA dhe të punoja me disa nga skenaristët më të respektuar në këtë biznes. Hoqa ose ndryshova në skenar gjithçka që më dukej e tepruar, ju pëlqen ose jo ta pranoni, gjithçka ishte me humor dhe pa asnjë qëllim të keq.
Edhe unë kam qenë pjesë e skeçeve komike në televizion dhe munda të gjej pjesë humoristike aty brenda. Besoj se Melania e kupton këtë biznes dhe mënyrën si shkruhen dhe drejtohen shfaqjet. I kërkoj ndjesë të gjithë atyre që janë ndjerë të ofenduar dhe kam vetëm urimet më të mira për vendin tonë. Me respekt, Gigi.”
