FC Rostov shkruan historinë! Me fitoren 3:2 kundër Bayern Munich ata bëhen ekipi i parë rus që mund bavarezët në Champions League në historinë e futbollit.
Një humbje e hidhur për gjermanët që do të thotë se me shumë mundësi do ta përfundojnë fazën e grupeve në vend të dytë, poshtë Atletico Madrid.
Ishin miqtë ata që kaluan të parët në avantazh, por Rostov barazon rezultatin në minutën e fundit të pjesës së parë.
Më pas vendasit gjejnë golin e avantazhit me anë të një penalltie por që nuk zgjat shumë pasi Bernat barazon menjëherë.
Por vendasit habisin të gjithë botën e futbollit teksa shënojnë golin e tretë me një goditje dënimi të ekzekutuar në mënyrë perfekte.
Bayern mundohet të barazojë rezultatin por në fund janë rusët ata që buzëqeshin duke shpresuar kështu për një vend në Europa League.
