Drejtori i Përgjithshëm i Policisë së Shtetit Haki Çako është larguar menjëherë pas deputetëve socialistë në mënyrë demonstrative nga mbledhja e komisionit të posaçëm hetimor për pajisjen përgjuese të policisë, ‘Imsi Catcher’.
Çako refuzoi t’u jepte përgjigje pyetjeve të deputetëve të opozitës në këtë komision hetimor, ndërsa pas disa minutash u largua pa përfunduar mbledhja.
Kryetari i këtij komisionit, Flamur Noka e quajti urdhër politik gjestin e drejtorit Haki Çako. “I erdhi urdhri që të largohej”, u shpreh demokrati Noka.
Drejtori i Përgjithshëm i Policisë refuzoi t’u përgjigjej pyetjeve me argumentimin se dëmton hetimin e nisur nga Prokuroria për këtë çështje.
