Të paktën 20 kanë vdekur deri më tani nga përleshjet midis dy fiseve në qytetin e Libisë Sabha, pas një incidenti që ndodhi me një majmun.
Majmuni sipas mediave lokaleve vendase ka sulmuar një nxënës dhe kjo ka bërë që familjarët e tij të kërkojnë hakmarrje.
Tre burra vranë së bashku kafshën pas përplasjeve të para.
Por, luftimet midis klaneve “Awlad Suleiman” dhe “Guedadfa” nuk përfunduan këtu. Numri i viktimave shkoi duke u rritur dhe humbjet më të madh sipas BBC-së i ka grupi “Awlad Suleiman”.
Raportet bëjnë me dije se tanke, raketa dhe armë të tjera të rënda janë përdorur nga luftimet, ku të paktën 50 persona mbetën të plagosur.
Fisi “Guedadfa” i përket ish-liderit libian Muamar Gadafi.
Marrëdhëniet midis dy grupeve kanë qenë të acaruara për vite të tëra dhe ka mjaftuar me sa duket një shkëndijë për të shkaktuar gjakderdhje. Qyteti Sabha është qendër e trafikut të emigrantëve dhe armëve.
