Viktima e atentatit të sotshëm në Fier është Nelgert Pata. Ai i shpëtoi një atentati më 21 gusht të këtij viti në rrugën e Kavajës. Pata u plagos, por nuk u paraqit asnjëherë në polici.
Ai dyshohet se është rival i grupit që vrau Elton Çiçon në një lokal në ish –bllok në maj të këtij viti. Në vitin 2008 ai dhe babai i tij Astrit Pata janë akuzuar nga Silvana K. nga Memaliaj për shfrytëzim prostitucioni. Astrit dhe Nelgert Pata janë akuzuar edhe për trafikimin në tetor të 2005-ës të një tjetër gruaje, nënë e një fëmije.
Astrit dhe Nelgert Pata u arrestuan pas një letër-porosie të mbërritur nga Norvegjia, në prill të vitit 2006. Nelgerti u plagos pak kohë pasi doli nga burgu. Dyshohet se ai ka ndihmuar nga burgu Jani Aliajn dhe Renato Milloshin për të vrarë Çiçon.
