Vatikani kremtoi sot celebrimin e 17 kardinalëve të rinj, ku bën pjesë edhe kardinali shqiptar, dom Ernest Troshani.
Në ceremoninë e organizuar në Vatikan morën pjesë shumë pelegrinë nga e gjithë bota, si dhe shumë shqiptarë.
“Vijmë nga vende të largëta, me tradita dhe ngjyrë lëkure të ndryshme, gjuhë dhe prejardhje sociale. Ne mendojmë ndryshe dhe festojmë besimin tonë në rite të shumëllojshme. Asnjë nga këto nuk është arsye për të na armiqësuar mes nesh, por është një nga pasuritë tona”, tha Papa Françesku.
Kjo ngjarje e madhe kishtare vlerëson edhe një herë historinë e krishtërimit në Shqipëri, përmes celebrimit kardinal të meshtarit dom Ernest Troshani.
Ndër 17 kardinalët e rinj, Ernest Troshani Simoni, tërheq në veçanti vëmendjen e opinionit publik, për qëndresën heroike që tregoi gjatë kalvarit të periudhës së komunizmit ateist.
Ai simbolizon jo vetëm martirët, por mbarë një popull të persekutuar që me besimin te Zoti, doli ngadhënjimtar.
Dom Ernest Trashani u persekutua, internua dhe burgos për vite të tëra, nga dikatatura komuniste, ashtu siç burgosi e vrau 38 Martirët e Lum të Kishës e të Kombit shqiptar e shumë klerikë e qytetarë të tjerë të Shqipërisë.
