Kosova nuk duhet që vetëm pas rasteve të caktuara nëpër Evropë të rrisë masat e sigurisë. Vendi duhet të fuqizojë ndjeshëm inteligjencën dhe institucionet e sigurisë, duke vendosur mekanizma të përhershëm, dhe të përmirësojë shkëmbimin e informacioneve midis sektorit të sigurisë.
Ekspertët e sigurisë kanë pohuar se Kosova ka nivel mbi mestar të rrezikimit nga terrorizimi, por mbi të gjitha ka nivel mbi mestar të rrezikimit nga përhapja e ideologjisë të ekstremizmit të dhunshëm që shpie në terrorizëm.
Sipas tyre, kjo është edhe faza në të cilën edhe më tutje rrezikohet rajoni, duke përfshirë këtu edhe Kosovën.
Hajrullah Tërnava ka thënë se nëse Policia e Kosovës lavdërohet nga njerëzit ma përgjegjës të këtij shërbimi ditë e për ditë si policia ma e mirë në regjion, atëherë është dashur të besohet në aftësitë e tyre, e duke e pasur për bazë edhe numrin jo të vogël të policisë.
Sipas tij, tani kur janë bërë edhe burgosje të grupeve terroriste, të cilat nën trajtimin për përgatitje terroriste, si grupe të ISIS-it dhe janë dënuar me burgime të gjata, është e kuptueshme se Kosova gjendet në shënjestër të atyre caqeve që i planifikojnë këto sulme.
“Numri i madh i njerëzve që i janë bashkangjitur luftës së ISIS në Siri e gjetiu, është dëshmi se në Kosovë tani kur edhe me ligje jenë sanksionuar shkuarjet në ato luftëra, dhe tani ka të burgosur dhe të dënuar me burgje të gjata, në shenjë hakmarrjes, tani ka deponime dhe kërcënime direkt për sulme terroriste në Kosovë. Dëshmia më e mirë për këtë rrezik e konfirmon parandalimi i sulmit ditë më parë nga ana e policisë”, ka thënë Tërnava,
Ai ka deklaruar se Kosova tani ka shërbimin sekret AKI, që tani mund të thuhet se është i përgatitur në luftimin e këtyre dukurive terroriste dhe në bashkëpunim me policinë dhe shërbime tjera për luftimin e krimeve në përgjithësi e sidomos krimeve të organizuara si Gjyqësia, Prokuroria etj.
“Në situatën e tanishme çfarë gjendet Kosova e rrethuar nga armiqtë e saj shekullor të njohur tani e shumë moti, organet e ndjekjes së krimit sikur e shpjegova, duhet të jenë vigjilent dhe në nivele të larta të kryerjeve detyrat dhe punët e tyre duke mos e harruar atë të thënën popullore se “armiku nuk flenë kurrë” edhe që të tjerët flenë. Vetëm me një angazhim të gjitha strukturave profesionale që jenë në shërbim të popullit, territori i Kosovës do të ishte i mbrojtur”, ka thënë Tërrnava./BS/
