Një sasi prej 13 kg drogë është sekuestruar gjatë mbrëmjes së djeshme në det.
Siç shkruajnë mediat italiane lënda narkotike është gjetur në det pranë zonës së Leucas.
Policia italiane, bën me dije se droga nuk është gjetur shumë larg portit, ndërsa nga hetimet dyshohet se droga është marrë në Shqipëri dhe po transportohej me skaf nga dy shqiptarët, të cilët dy ditë më parë kërkuan ndihmë se kishin mbetur në det.
Shqiptarët ndodheshin 5 milje larg portit të Otrantos.
Në ndihmë të tyre ishte dërguar edhe një helikopter i Frontex. Nëse lënda narkotike do të hidhej në treg ajo do të kishte vlerën e 2 milionë eurove. Këta të dy u shpëtuan nga Guardia di Financas.
Njëri prej të arrestuarve ishte i dënuar më parë për vepra të ndryshme penale në veriun e Italisë. Aktualisht hetimet janë duke u bërë për të kuptuar nëse droga ishte hedhur nga skafi ku ndodheshin dy shqiptarët, apo është një rastësi, raporton Shqiptarja.com
