Një tragjedi ka ndodhur mëngjesin e sotëm në Babrru të Tiranë. Zjarri ka përfshirë një banesë ku brenda saj ishin dy fëmijë të mitur. Njëri prej tyre ka shpëtuar ndërsa për vëllain tjetër vetëm 2 -vjeç flakët i kanë marrë jetën.
Policia njofton se rreth 17.11.2016, rreth orës 08:35, në lagjen Shpat, Babrru, ka rënë zjarr në një banesë, në të cilën ndodheshin dy fëmijë të mitur brenda saj. “Si pasojë e këtij zjarri ka mbetur i vdekur fëmija 2 vjeç ende i paidentifikuar”- njofton policia. Shërbimet e Komisariatit të Policisë Nr.5 dhe forcat Zjarrfikëse bënë të mundur nxjerrjen shpëtimin e fëmijës tjetër. Policia thotë se po punon për sqarimin e plotë të rrethanave.
